«Севинч» Ўзбекистон Суперкубоги учрашувига қизғин тайёргарлик кўрмоқда.
Бугун қаршиликлар Ғузорнинг “Шўртан” жамоаси билан “Насаф” футбол мактаби қошидаги машғулотлар майдонида назоарт ўйинини ўтказди.
Ўйинда миллий терма жамоамиз сафида бўлиб турган футболчилар қатнашмади.
Назорат учрашуви қизиқарли ва муросасиз бўлди. Учрашувдаги ҳисоб “Севинч” томонидан очилди. Дастлабки гол муаллифи Мафтуна Панжиева бўлди. Бунда Аблякимова ғузорлик футболчи қизлар томонидан жарима майдонида тўхтатиб қолинди ва 11 метрлик жаримани голга айлантиришда Панжиева адашмади – 1:0.
Орадан унча вақт ўтмасдан ҳисоб 3:0га ўзгарди. Ушбу голларни яна Панжиева ва Аблякимова киритишди – 3:0.
Бу йилги мавсумдан “Шўртан” жамоаси шарафини ҳимоя қилишга қарор қилган Зебо Жўраева жавоб қайтаришга эришди – 3:1. Дастлабки бўлим ана шу ҳисобда якун топди.
Назорат учрашувининг иккинчи бўлими ҳам голларга бой бўлди. Бу бўлимдаги голларга Мафтуна Панжиева, Ильвина Аблякимова ва Гулзода Амирова муаллифлик қилишган бўлса, “Шўртан” жамоасининг қолган икки голи ҳам Зебо Жўраева томонидан киритилди. Шундай қилиб, назорат учрашуви 6:3 ҳисобида “Севинч”нинг ғалабаси билан ниҳоясига етди.
Назорат учрашуви.
“Севинч” (Қарши) – “Шўртан” (Ғузор) 6:3
“Насаф” ФМ майдони. Соат 16:00да
Голлар: Мафтуна Панжиева (3), Ильвина Аблякимова (2), Гулзода Амирова – Зебо Жўраева (3)
“Севинч”: Наргиза Махмудова, Танзила Зарбиева, Камола Рискиева, Шахзода Жамолова, Мафтуна Панжиева, Севара Нормуродова, Ильвина Аблякимова, Шахноза Қурбанова, Шодия Тошева, Шахноза Шакирова, Шоира Қултураева.
Захирадан майдонга тушганлар: Олия Ахмедова, Феруза Бобохўжаева, Гулзода Амирова, Сўғдиёна Алламуродова, Шахзода Тожиддинова.
“Шўртан”: Сарвиноз Эргашева, Мухлиса Мирзаёрова, Юлдуз Шодиева, Джесика Кручинина, Дилдора Эргашева, Фазилат Бахромова, Бахтишод Тўхтаева, Садоқат Рўзиева, Зебо Жўраева, Мафтуна Жўраева, Гулзода Жўраева.
Захирадан майдонга тушганлар: Зарина Саидова, Зарина Исматова Сарвиноз Назарова, Гулираъно Толмасова, Сайёра Нурматова, Улдона Тўхтаева.
