“Qirol kubogi” xalqaro musobaqasi chempioni Isroil Madrimov (-75kg) Toshkentga qaytib kelgach final bahsi haqida o‘z fikrlari bilan o‘rtoqlashdi.

"Kubalik bokschiga qarshi jang hech qachon oson kechmaydi. Bu safar ham shunday bo‘ldi. Raqibim tajribali sportchi edi. U WSB turnirida ham ringga chiqib ulgurgan va 2 jang o‘tkazib, har ikkisida g‘alaba qozonishga erishgandi. Bundan tashqari uning bo‘yi mendan balandroq bo‘lib, bu ham biroz noqulaylik tug‘dirishi mumkin edi. Biroq, murabbiylarimiz bilan tayyorgarlikni aynan shu jihatlarni hisobga olib borganimiz uchun finalda to‘liq ustunlikka erisha oldim va g‘olib bo‘ldim. Endi bor e’tiborni Osiyo chempionatiga qaratamiz" - dedi Madrimov.