“Қирол кубоги” халқаро мусобақаси чемпиони Исроил Мадримов (-75кг) Тошкентга қайтиб келгач финал баҳси ҳақида ўз фикрлари билан ўртоқлашди.
"Кубалик боксчига қарши жанг ҳеч қачон осон кечмайди. Бу сафар ҳам шундай бўлди. Рақибим тажрибали спортчи эди. У WSB турнирида ҳам рингга чиқиб улгурган ва 2 жанг ўтказиб, ҳар иккисида ғалаба қозонишга эришганди. Бундан ташқари унинг бўйи мендан баландроқ бўлиб, бу ҳам бироз ноқулайлик туғдириши мумкин эди. Бироқ, мураббийларимиз билан тайёргарликни айнан шу жиҳатларни ҳисобга олиб борганимиз учун финалда тўлиқ устунликка эриша олдим ва ғолиб бўлдим. Энди бор эътиборни Осиё чемпионатига қаратамиз" - деди Мадримов.
