«Manchester Yunayted» bosh murabbiyi Joze Mourinyo Yevropa ligasi chorak finalida bo‘lib o‘tgan «Anderlext»ga qarshi o‘yin (1:1) borasida o‘z fikrlarini bildirib o‘tdi.

«Biz raqiblarga bosim o‘tkazishimiz kerak. Biz to‘pni nazorat qildik, ko‘p vaziyatlarga ega bo‘ldik, ammo gol ura olmayapmiz. Ko‘p bo‘sh hududlarga ega bo‘ldik, ko‘p vaziyatlar yaratdik, ammo to‘p bilan yaxshi ishlay olmaganimiz va raqib jarima maydonchasida noto‘g‘ri qarorlar chiqarganimiz bois, imkoniyatlardan foydalana olmadik.

Jiddiyroq o‘ynash kerak. O‘yin taqdirini hal qilishi shart bo‘lgan futbolchilar buni amalga oshira olishmadi. Reshford, Lingard, Ibrahimovich, Marsyal. Ularning barchasi bir xil o‘ynashdi.

Himoyachilar esa, aksincha, o‘yinga bor e’tiborlarini qaratishgandi. Ular jiddiy ishni amalga oshirishdi, lekin hujumchilar natijani qayd eta olishmadi. Mudofaamiz yaxshi tashkil qilingandi, ammo bizni xato uchun jazolashdi», – dedi Mourinyo.