«Milan» klubining yangi ijrochi direktori Marko Fassone xitoylik investorlar kelganidan so‘ng, jamoa oldiga qo‘yilgan maqsad va vazifalar to‘g‘risida gapirdi.
«Birinchidan, Chempionlar ligasiga qaytishimiz shart. 2018/19 mavsumda Italiyadan to‘rtta jamoa YECHL guruh bosqichida ishtirok etadi. Ularning orasida «Milan» ham bo‘lishi lozim.
Ikkinchidan, bosh murabbiy masalasiga oydinlik kiritishni maqsad qilganmiz. Montella bilan uchrashib, barcha narsani muhokama qilib olamiz.
Uchinchidan, yozda transferlar uchun jiddiy byudjetga ega bo‘lamiz. Biz raqobatbardosh va yuqori maqsadlarni ko‘zlaydigan jamoani shakllantirmoqchimiz.
To‘rtinchidan, Janluiji Donnarummaning yangi shartnomasini imkon qadar tezroq hal qilishimiz lozim» - dedi Fassone.
