Angliya premyer-ligasida 33-tur o‘yinlari davom etmoqda.
«Manchester Yunayted» o‘z maydonida «Chelsi»ni qabul qildi va 2:0 hisobida g‘alaba qozondi. 7-daqiqada Markus Reshford darvozabon bilan yuzma-yuz chiqib gol urgan bo‘lsa, 49-daqiqada Ander Errera jarima maydoni ichidan zarba yo‘llab, hisobdagi farqni oshirdi.
Bu natijadan so‘ng, APLdagi chempionlik poygasining keskinlashishi aniq bo‘ldi. Endi «Chelsi» yaqin ta’qibchisi «Tottenhem» klubini bor yo‘g‘i 4 ochko ortda qoldirmoqda. «MYU» bu g‘alabadan so‘ng, 60 ochko bilan 5-o‘ringa chiqdi. Chempionat yakuniga qadar esa yana 6 tur qolgan.
APL, 33-tur
Manchester Yunayted – Chelsi 2:0 (1:0)
16 aprel, «Old Trafford» stadioni
Gollar: 1:0 – 7 Reshford, 2:0 – 49 Errera.
Manchester Yunayted – De Xea, Roxo, Bayi, Darmian, Valensiya, Pogba, Errera, Lingard (Kerrik, 60), Fellayni, Yang, Reshford (Ibrohimovich, 83).
Chelsi – Begovich, Aspilikueta, David Luiz, Keyxill, Zuma (Loftus-CHik, 83), Matich (Villian, 66), Mozes (Fabregas, 54), Pedro, Kante, Azar, Diyego Kosta.
Ogohlantirishlar: Diyego Kosta (33), Keyxill (48), Errera (73), Roxo (75), Fabregas (90).
