«RB Leypsig» klubi o‘z tarixida ilk marotaba Chempionlar ligasi yo‘llanmasini qo‘lga kiritdi.
Biroq UYEFA jamoani nufuzli musobaqada ishtirok etishiga yo‘l qo‘ymasligi mumkin, deb hisoblamoqda VVS.
Tashkilot qoidasiga ko‘ra, Chempionlar ligasi yoki Yevropa ligasida, yagona xo‘jayinga ega jamoalarning bir vaqtning o‘zida ishtirok etishi taqiqlanadi.
«Red Bull» konserni esa «RB Leypsig» va Avstriyaning «Zalsburg» klublariga egalik qiladi. Ayni paytda avstriyaliklar ham YECHL yo‘llanmasini qo‘lga kiritishga yaqin turibdi. Agar bu voqea yuz beradigan bo‘lsa, UYEFA ikkita jamoadan faqat bittasiga YECHLda ishtirok etish uchun ruxsat berishga majbur.
Bu masala barcha chempionatlar yakunlangach, UYEFA tomonidan iyun oyida ko‘rib chiqiladi.
