«РБ Лейпциг» клуби ўз тарихида илк маротаба Чемпионлар лигаси йўлланмасини қўлга киритди.
Бироқ УЕФА жамоани нуфузли мусобақада иштирок этишига йўл қўймаслиги мумкин, деб ҳисобламоқда ВВС.
Ташкилот қоидасига кўра, Чемпионлар лигаси ёки Европа лигасида, ягона хўжайинга эга жамоаларнинг бир вақтнинг ўзида иштирок этиши тақиқланади.
«Ред Булл» концерни эса «РБ Лейпциг» ва Австриянинг «Зальцбург» клубларига эгалик қилади. Айни пайтда австрияликлар ҳам ЕЧЛ йўлланмасини қўлга киритишга яқин турибди. Агар бу воқеа юз берадиган бўлса, УЕФА иккита жамоадан фақат биттасига ЕЧЛда иштирок этиш учун рухсат беришга мажбур.
Бу масала барча чемпионатлар якунлангач, УЕФА томонидан июнь ойида кўриб чиқилади.
