Yevropa chempionlar ligasida chorak final bosqichiga yakuniga yetib, yarim finalga chiqqan 4ta jamoa nomi aniq bo‘ldi. Demak, bizni ushbu mavsumdagi so‘nggi qur’a marosimi kutib turibdi.

Yarim final ishtirokchilari:
"Atletiko" (Ispaniya)
"Monako" (Fransiya)
"Real" (Ispaniya, amaldagi chempion)
"Yuventus" (Italiya)

Qur’a qachon va qayerda bo‘ladi?
YECHL yarim finaliga qur’a tashlash marosimi 21 aprel kuni UYEFA shtab-kvartirasi joylashgan Shveysariyaning Nyon shahrida bo‘lib o‘tadi. Marosim Toshkent vaqti bilan 15:00da boshlanadi.

Qur’a tartibi
Qur’ada hech qanday cheklovlar va savatchalarga ajratilishlar bo‘lmaydi. Istalgan jamoa har qanday raqib bilan to‘qnash kelishi mumkin.

Yarim final o‘yinlari
Yarim final bosqichining dastlabki o‘yinlari 2 va 3 may, javob bahslari esa 9 va 10 may kunlari o‘tkaziladi. Qur’a jarayonida nomi birinchi tortilgan klub dastlabki o‘yinni o‘z uyida o‘tkazadi.

Final haqida
Juma kuni bo‘ladigan qur’ada final bahsining nominal mezboni nomiga ham aniqlik kiritiladi.

Final 3 iyun, shanba kuni Kardiffdagi "Milliy" stadionda bo‘lib o‘tadi. O‘yin Toshkent vaqti bilan 23:45da boshlanadi.