Fransiya professional futbol ligasi rahbariyati videotakrorlar tizimini joriy etadi.
L'Equipe xabariga ko‘ra, taklif texnik qo‘mita tomonidan ma’qullangan.
Dastlab videotakrorlar Liga 1 musobaqasiga o‘tish o‘yinida qo‘llanadi. Liga 1 musobaqasida 18-o‘rinni egallagan jamoa hamda Liga 2 musobaqasining uchinchi jamoasi o‘rtasida o‘tish o‘yini bo‘lib o‘tadi.
Fransiyada ilk marta 29 mart kuni terma jamoaning Ispaniyaga qarshi o‘rtoqlik uchrashuvida videotakrorlar qo‘llangandi. O‘shanda fransuzlar urgan gol videoassistent tufayli bekor qilingandi.
