Ispaniyaning AS nashri Chempionlar ligasi qur’asining halol o‘tganiga shubha bildirdi.

Uning natijasiga ko‘ra, yarimfinalda «Real» - «Atletiko» va «Monako» - «Yuventus» juftliklari shakllangan edi.

Nashrning fikriga ko‘ra, qur’ani o‘tkazgan Yan Rash qo‘lini savatga tiqib, uni aralashtirmasdan «Real» nomi chiqqan sharni olgan. «Atletiko» shari bilan bog‘liq vaziyatda ham shu ishni qilgan. Bundan tashqari, nashr sharlarning qizdirilgan bo‘lishidan gumonlanmoqda. Hammasi Ispaniya klublarining finalda bir-biri bilan to‘qnash kelmasligi uchun qilingan.