UYEFA «Manchester Siti»ga jarima sifatida belgilangan  33,4 million funt sterling (40 millionov yevro) miqdorida mablag‘ni klubga qaytarib bermoqchi. Bu haqda Mirror nashri xabar tarqatdi.

Manbaga ko‘ra, tashkilot premyer-liga sharafini himoya qilayotgan klubni o‘z vaqtida moliyaviy Fair play talablarini buzgani uchun jazolagandi. Hozirga kelib, klub bu talab bo‘yicha barcha shartlarni to‘liq ado etgan.

2014 yilda «shaharliklar» UYEFA tomonidan moliyaviy «feyr-pley» talablarini buzgan deb topilgan va 60 mln. yevro miqdorida jarima tortgandi. Shuningdek jamoa jazo tariqasida YECHLda faqatgina 21 nafar (odatiy qoida bo‘yicha 25 nafar futbolchini ro‘yxatdan o‘tkazish mumkin — Tribuna izohi)futbolchini ruyxatdan o‘tkazishi majburiy qilib qo‘yilgandi.

Sanksiyaga ko‘ra, agar «Manchester Siti» belgilangan muddatda zudlik bilan kamchiliklarni bartaraf eta olsa, jazoning uchdan ikki qismi qaytarilishi ko‘zda tutilgandi. «Siti» bu talabarni bajargan va endilikda ularga jarimaning 40 million yevro qismi qaytariladi va yangi mavsumdan yana 25 nafardan futbolchini ro‘yxatdan o‘tkazish imkoniyati taqdim etiladi.