«Chelsi» yarimhimoyachisi Eden Azar jamoa sardori kim bo‘lishi kerakligi haqidagi savolga javob berdi.
Ma’lumki, 36 yoshli sardor Jon Terri mavsum oxirida klubni tark etishini e’lon qilgandi.
«Bizda sardor bo‘lishga loyiq futbolchilar ko‘p. Terma jamoada yaxshi sardormanmi yoki yo‘qmi bilmadim. Faqat maydonda sardorlik qilishim mumkin. Maydondan tashqarisida esa o‘zimni kamtarona tutaman. Angliyada sardor hamma joyda gapirishi kerak, men esa unday yigit emasman.
«Chelsi»da ham sardorlikka intilmayman. Terrining o‘rnini Kehill, Aspilikueta yoki Fabrgeas egallashi mumkin. Ular sardor bo‘lishga loyiq futbolchilar» - dedi Azar Sky Sports xabarida.
