Toshkentda boks bo‘yicha yirik xalqaro musobaqa boshlandi.
30 aprel – 7 may kunlari «O‘zbekiston» universal sport majmuasida Osiyo chempionati bo‘lib o‘tadi.
Unda Osiyo boks konfederasiyasi - ASBC tashkilotiga a’zo 29 mamlakat - O‘zbekiston, Xitoy, Hindiston, Eron, Iordaniya, Qozog‘iston, Janubiy Koreya, Mo‘g‘uliston, Pokiston, Shri-Lanka, Tojikiston, Turkmaniston, Qirg‘iziston, Afg‘oniston, Malayziya, Butan, Livan, Nepal, Falastin, Qatar, Singapur, Tayland, Indoneziya, Filippin, Yaponiya, Tayvan, BAA, Iroq hamda Suriya boks terma jamoalari ishtirok etadi.
Xalqaro boks qoidalariga ko‘ra, janglar 10ta – 49, 52, 56, 60, 64, 69, 75, 81, 91 va +91 kg vazn toifalarida o‘tkaziladi. Bokschilar medallar uchun kurashishdan tashqari shu yilning 23 avgustidan – 4 sentyabrigacha Germaniyaning Hamburg shahrida bo‘lib o‘tadigan Jahon chempionati yo‘llanmasi uchun bahs olib borishadi.
