Тошкентда бокс бўйича йирик халқаро мусобақа бошланди.
30 апрель – 7 май кунлари «Ўзбекистон» универсал спорт мажмуасида Осиё чемпионати бўлиб ўтади.
Унда Осиё бокс конфедерацияси - ASBC ташкилотига аъзо 29 мамлакат - Ўзбекистон, Хитой, Ҳиндистон, Эрон, Иордания, Қозоғистон, Жанубий Корея, Мўғулистон, Покистон, Шри-Ланка, Тожикистон, Туркманистон, Қирғизистон, Афғонистон, Малайзия, Бутан, Ливан, Непал, Фаластин, Қатар, Сингапур, Тайланд, Индонезия, Филиппин, Япония, Тайвань, БАА, Ироқ ҳамда Сурия бокс терма жамоалари иштирок этади.
Халқаро бокс қоидаларига кўра, жанглар 10та – 49, 52, 56, 60, 64, 69, 75, 81, 91 ва +91 кг вазн тоифаларида ўтказилади. Боксчилар медаллар учун курашишдан ташқари шу йилнинг 23 августидан – 4 сентябригача Германиянинг Ҳамбург шаҳрида бўлиб ўтадиган Жаҳон чемпионати йўлланмаси учун баҳс олиб боришади.
