Bugun Angliya premyer-ligasi 35-turini “Uotford” va “Liverpul” o‘rtasidagi bahs yakunlab beradi.

“Kristal Pelas”dan 1:2 hisobidagi mag‘lubiyat “Liverpul”ning mavsumni top-4 da yakunlashiga shubha uyg‘otdi. Lekin dam olish kunlari “Liverpul”ning Manchesterdagi raqiblari har ikkisi durrang o‘ynadi. Jumladan, “Arsenal” o‘z maydonida “Tottenxem”ga mag‘lub bo‘ldi. Shuningdek, “Manchester Yunayted” ham “Old Trafford”da “Suonsi”ni yenga olmadi. Ushbu holat Yurgen Klopp jamoasining 3 o‘rinda qolishi uchun zamin yaratishi mumkin. “Uotford”ning esa oshig‘i olchi, ular premyer-ligada qolishni allaqachon aniqlab olishgan.

Bugun “Uotford” tarkibida Kreyg Ketkart tizzasidagi jarohati tufayli maydonga tusha olmaydi. Yunus Qobul, Roberto Pereyra va Mauro Sarate esa hali safga qaytishmagan.

“Liverpul” mashg‘ulotlariga Adam Lallana va Daniyel Starrij kelib qo‘shilishganini alohida ta’kidlash o‘tish joiz.

Uchrashuv Toshkent vaqti bilan 00:00 da start oladi. Ya’ni 40 daqiqadan so‘ng.