Bugun Oliy liganing 9- tur o‘yinlari doirasida "Navbahor" o‘z maydonida Toshkentning "Lokomotiv" jamoasini qabul qildi.
Murosasiz kurashlarga boy ruhda o‘tgan qarama-qarshilikda g‘olib aniqlanmadi.
Birinchi bo‘limda muxlsilar uchta golga guvoh bo‘lishdi. Dastlab 16- daqiqada burchak to‘pidan so‘ng, Dilshod Jabborov raqib jarima maydonidagi pala-partishlikdan unumli foydalanib, hisobni ochdi. Ammo, oradan yetti daqiqa o‘tgach Sardor Mirzayev o‘ng qanotdan oshirilgan to‘pni boshi bilan Amanov qo‘riqlagan darvozaga joylashga muvaffaq bo‘ldi. Taym oxirlariga kelib, mehmonlar hisobda oldinga o‘tib olishdi. "Temiryo‘lchilar" to‘purari Marat Bikmayev jamoasining ikkinchi goliga mualliflik qildi. Tanaffusgaa jamoalar 1:2 hisobida yo‘l olishdi.
Ikkinchi bo‘lim boshida "lochinlar" tezkor gol urishdi. Aziz Turg‘unboyev raqibdan to‘pni olib qo‘ygach Ikromov bilan deyarli birga-bir vaziyatga chiqdi va hisobni tengladi. Shundan so‘ng uchrashuv oxirigacha har ikki jamoa ehtiyotkorlik bilan harakat qilishgani bois darvozalar oldida golga tortadigan xolatlar ko‘p kuzatilmadi. Shu tariqa "Navbahor" joriy yilgi O‘zbekiston chempionatida o‘z uyida beshinchi bor uchrashuv o‘tkazib, 3 g‘alaba va 2 durang qayd etgan xolda mag‘lubiyatsiz seriyani davom ettirdi.
Oliy liga, 9-tur
4 may. Namangan. “Markaziy” o‘yingoh. 16685 tomoshabin.
“Navbahor” – “Lokomotiv” - 2:2 (1:2).
Gollar: D. Jabborov (16), A. Turg‘unboyev (47) – S. Mirzayev (24), M. Bikmayev (42).
Hakamlar: R. Ermatov - 9,0, A. Rasulov - 9,0, J. Saidov - 9,0, B. Yulcharayev - 9.
Nazoratchi – I. Sharipov.
PFL vakili – B. Haydarov.
“Navbahor”: 30. Asilbek Amanov, 2. Alisher Samatov (10. Mansur Saidov, 69), 3. Hasanboy Ergashev (4. Abbos Otaxonov, 46), 5. G‘iyosjon Komilov, 7. Oybek Qilichev, 9. Dilshod Jabborov, 19. Mirzohid G‘ofurov, 21. A’zam Aliyev, 32. Jahongir Mehmonov, 77. Azizbek Turg‘unboyev (20. Alisher Mirzayev, 89), 84. Nemanya Yovanovich.
"Lokomotiv": 12. Ma’mur Ikromov, 9. Ikrom Aliboyev (5. Kaxi Maxaradze, 71), 10. Marat Bikmayev (77. Diyor Turopov, 67), 15. Sardor Mirzayev, 20. Islom To‘xtaxo‘jayev, 22. Murod Bobojonov, 28. Shuhrat Muhammadiyev, 29. Quvondik Ro‘ziyev (8. Salamat Qutiboyev, 87), 33. Oleg Zoteev, 42. Muxammad Kone, 99. Jaloliddin Masharipov.
Ogohlantirishlar: D. Jabborov (17), A. Aliyev (63) – SH. Muhammadiyev (55), M. Kone (65).
