«Atletiko»ning «Alaves»da ijarada o‘ynayotgan himoyachisi Teo Ernandes «Barselona»ga o‘tmoqchi emas.

Marca xabariga ko‘ra, kataloniyaliklar «matraschilar» bilan futbolchining transferi borasida kelishuvga erishib, uning o‘ziga 3,5 mln yevro maosh taklif qilmoqda. Ammo Ernandes Barselonaga ko‘chib o‘tishni istamayapti va «Real»da o‘ynashni orzu qilmoqda.

O‘tgan yili «Real» uni 24 mln yevro evaziga qo‘lga kiritishi mumkin edi. Ammo «Atletiko» transferga rozilik bermadi. Endi 19 yoshli futbolchi shu yil yozda «Real»ga o‘tmoqchi.