«Атлетико»нинг «Алавес»да ижарада ўйнаётган ҳимоячиси Тео Эрнандес «Барселона»га ўтмоқчи эмас.
Marca хабарига кўра, каталонияликлар «матрасчилар» билан футболчининг трансфери борасида келишувга эришиб, унинг ўзига 3,5 млн евро маош таклиф қилмоқда. Аммо Эрнандес Барселонага кўчиб ўтишни истамаяпти ва «Реал»да ўйнашни орзу қилмоқда.
Ўтган йили «Реал» уни 24 млн евро эвазига қўлга киритиши мумкин эди. Аммо «Атлетико» трансферга розилик бермади. Энди 19 ёшли футболчи шу йил ёзда «Реал»га ўтмоқчи.