Toshkentda O‘zbekiston futbol federasiyasi va Xalqaro futbol federasiyasi hamkorligida tashkil etilgan FIFAning yordamchi hakamlar dasturi (RAP) bo‘yicha o‘quv-kurslari boshlandi.
Bugun, 8 may kuni boshlangan o‘quv-kurslar 12 mayga qadar davom etadi. Dasturning asosiy maqsadi ishtirokchilar bilimi va mahoratini nazariy jihatdan boyitish, dunyo bo‘ylab instruktorlar va murabbiylarning zamonaviy trendlari bilan tanishtirishdan iborat.
Shuningdek, dastur mahalliy hakamlar va yordamchi hakamlarning bilimini yangilash va ko‘nikmalarini rivojlantirishga qaratilgan.