Turinning "Yuventus" klubi bosh murabbiyi Massimiliano Allegri YECHL yarim finali doirasidagi "Monako"ga qarshi javob bahsi oldidan o‘z fikrlarini bildirib o‘tdi.

- Monegaskliklarning yo‘qotadigan hech narsasi yo‘q. Ular to‘laligicha ochiq o‘yin namoyish etib, bizga katta muaommolar yaratishlari mumkin.

"Monako"da iqtidorli futbolchilar ko‘p, ayniqsa, hujum chizig‘ida. Biz agressiv harakat qilishimiz lozim.  "Monako"dan yaxshiroq harakat qilib, yana bir bor g‘alaba qozonishga harakat qilamiz.

Hozirda jamoam ajoyib sport formasida, sovuqqonlikni saqlab qolishga harakat qilamiz.

Hozircha to‘g‘ri yo‘ldamiz. Kardif finalidan bizni yana bir qiyin 90 daqiqa ajratib turibdi.

Umuman, birinchi o‘yindagi g‘alaba hech narsani anglatmaydi. Bizni kuchli raqibga qarshi qiyin o‘yin kutib turibdi" – deydi italiyalik mutaxassis.

Eslatib o‘tamiz, Fransiyada bo‘lib o‘tgan birinchi o‘yinda “Yuventus” 0:2 hisobida g‘alaba qozongan.