Туриннинг "Ювентус" клуби бош мураббийи Массимилиано Аллегри ЕЧЛ ярим финали доирасидаги "Монако"га қарши жавоб баҳси олдидан ўз фикрларини билдириб ўтди.

- Монегаскликларнинг йўқотадиган ҳеч нарсаси йўқ. Улар тўлалигича очиқ ўйин намойиш этиб, бизга катта муаоммолар яратишлари мумкин.

"Монако"да иқтидорли футболчилар кўп, айниқса, ҳужум чизиғида. Биз агрессив ҳаракат қилишимиз лозим.  "Монако"дан яхшироқ ҳаракат қилиб, яна бир бор ғалаба қозонишга ҳаракат қиламиз.

Ҳозирда жамоам ажойиб спорт формасида, совуққонликни сақлаб қолишга ҳаракат қиламиз.

Ҳозирча тўғри йўлдамиз. Кардиф финалидан бизни яна бир қийин 90 дақиқа ажратиб турибди.

Умуман, биринчи ўйиндаги ғалаба ҳеч нарсани англатмайди. Бизни кучли рақибга қарши қийин ўйин кутиб турибди" – дейди италиялик мутахассис.

Эслатиб ўтамиз, Францияда бўлиб ўтган биринчи ўйинда “Ювентус” 0:2 ҳисобида ғалаба қозонган.