Futbol bo‘yicha Osiyo Chempionlar ligasining guruh bosqichiga yakun yasaldi. Unga ko‘ra, shu bosqichda ishtirok etgan 32 klubning teng yarmi nimchorak finalga yo‘llanma oldi.

O‘zbekiston chempioni «Lokomotiv» va mamlakat vise-chempioni «Bunyodkor» guruh bosqichini so‘nggi o‘rinda yakunlab, 2017 yil hisobidan xalqaro maydondagi ishtirokini may oyining o‘zidayoq tugatib qo‘ya qoldi.

Bu G‘arbiy mintaqa mamlakatlari orasida eng yomon natija bo‘ldi. Eronning 3 ta, Saudiya va BAAning 2 tadan, Qatarning esa 1 ta klubi pley-offga yo‘llanma olgandi. O‘zbekistondan esa hech kim yo‘q.

G‘arbiy mintaqa

Eron — 75 foiz
Guruhdan chiqqan: «Istiqlol», «Istiqlol Xuziston», «Persepolis»
Qolib ketgan: «Zob Ohan»

BAA — 50 foiz
Guruhdan chiqqan: «Al-Ayn», «Al-Ahli»
Qolib ketgan: «Al-Vahda», «Al-Jazira»

Saudiya — 50 foiz
Guruhdan chiqqan: «Al-Ahli», «Al Hilol»
Qolib ketgan: «At-Taavun», «Al-Fotih»

Qatar — 50 foiz
Guruhdan chiqqan: «Lahviya»
Qolib ketgan: «Ar-Rayyan»

O‘zbekiston — 0 foiz
Guruhdan chiqqan: —
Qolib ketgan: «Lokomotiv», «Bunyodkor»

Sharqiy mintaqa

Xitoy — 100 foiz
Guruhdan chiqqan: «Guanchjou Evergrand», «Jiangsu Suning», «Shanxay SIPG»
Qolib ketgan: —

Tailand — 100 foiz
Guruhdan chiqqan: «Muangtong Yunayted»
Qolib ketgan: —

Yaponiya — 75 foiz
Guruhdan chiqqan: «Kavasaki Frontale», «Kashima Antlers», «Urava Red»
Qolib ketgan: «Gamba Osaka»

Janubiy Koreya — 25 foiz
Guruhdan chiqqan: «Jeju Yunayted»
Qolib ketgan: «Suvon Samsung», «Seul», «Ulsan Xyunday»

Avstraliya — 0 foiz
Guruhdan chiqqan: —
Qolib ketgan: «Brisben Roar», «Vestern Sidney», «Adelaida Yunayted»

Gonkong — 0 foiz
Guruhdan chiqqan: —
Qolib ketgan: «Istrn»

Chempionlar ligasi reglamentiga ko‘ra, jamoalarning muvaffaqiyatsiz ishtiroki shu mamlakat kvotalariga ta’sir ko‘rsatadi. 2015 va 2016 yil O‘zbekistonga 3+1 kvotasi berilgan bo‘lsa, 2017 va 2018 yil uchun bu ko‘rsatkich 1+2 ga qadar qisqarib ketgandi.