Футбол бўйича Осиё Чемпионлар лигасининг гуруҳ босқичига якун ясалди. Унга кўра, шу босқичда иштирок этган 32 клубнинг тенг ярми нимчорак финалга йўлланма олди.

Ўзбекистон чемпиони «Локомотив» ва мамлакат вице-чемпиони «Бунёдкор» гуруҳ босқичини сўнгги ўринда якунлаб, 2017 йил ҳисобидан халқаро майдондаги иштирокини май ойининг ўзидаёқ тугатиб қўя қолди.

Бу Ғарбий минтақа мамлакатлари орасида энг ёмон натижа бўлди. Эроннинг 3 та, Саудия ва БААнинг 2 тадан, Қатарнинг эса 1 та клуби плей-оффга йўлланма олганди. Ўзбекистондан эса ҳеч ким йўқ.

Ғарбий минтақа

Эрон — 75 фоиз
Гуруҳдан чиққан: «Истиқлол», «Истиқлол Хузистон», «Персеполис»
Қолиб кетган: «Зоб Оҳан»

БАА — 50 фоиз
Гуруҳдан чиққан: «Ал-Айн», «Ал-Аҳли»
Қолиб кетган: «Ал-Ваҳда», «Ал-Жазира»

Саудия — 50 фоиз
Гуруҳдан чиққан: «Ал-Аҳли», «Ал Ҳилол»
Қолиб кетган: «Ат-Таавун», «Ал-Фотиҳ»

Қатар — 50 фоиз
Гуруҳдан чиққан: «Лаҳвия»
Қолиб кетган: «Ар-Райян»

Ўзбекистон — 0 фоиз
Гуруҳдан чиққан: —
Қолиб кетган: «Локомотив», «Бунёдкор»

Шарқий минтақа

Хитой — 100 фоиз
Гуруҳдан чиққан: «Гуанчжоу Эвергранд», «Жиангсу Сунинг», «Шанхай СИПГ»
Қолиб кетган: —

Таиланд — 100 фоиз
Гуруҳдан чиққан: «Муангтонг Юнайтед»
Қолиб кетган: —

Япония — 75 фоиз
Гуруҳдан чиққан: «Кавасаки Фронтале», «Кашима Антлерс», «Урава Ред»
Қолиб кетган: «Гамба Осака»

Жанубий Корея — 25 фоиз
Гуруҳдан чиққан: «Жежу Юнайтед»
Қолиб кетган: «Сувон Самсунг», «Сеул», «Улсан Хюндай»

Австралия — 0 фоиз
Гуруҳдан чиққан: —
Қолиб кетган: «Брисбен Роар», «Вестерн Сидней», «Аделаида Юнайтед»

Гонконг — 0 фоиз
Гуруҳдан чиққан: —
Қолиб кетган: «Истрн»

Чемпионлар лигаси регламентига кўра, жамоаларнинг муваффақиятсиз иштироки шу мамлакат квоталарига таъсир кўрсатади. 2015 ва 2016 йил Ўзбекистонга 3+1 квотаси берилган бўлса, 2017 ва 2018 йил учун бу кўрсаткич 1+2 га қадар қисқариб кетганди.