«Lester»ning CHLdagi ishtirok uchun qancha pul olgani ma’lum qilindi. Demak, musobaqa chorak finalchilari qatoriga qo‘shilgan Angliya chempioni bu borada ingliz klublari orasida eng yaxshi natijani qayd etdi - 66 million funt.

Taqqoslash uchun aytsak, turnirda qatnashgan «Arsenal» 53 million, «Manchester Siti» 41 million, «Tottenxem» esa 35 million funt sterling oladi.

E’tiborlisi, CHL mukofot jamg‘armasi APLnikidan ancha kam. Misol uchun, 20-o‘rinni band etib turgan va ligadan tushib ketishi aniq bo‘lib ulgurgan «Sanderlend»ga joriy mavsumdagi ishtiroki uchun 100 million funt beriladi. Tabiiyki, qolgan jamoalarning ulushi yanada ko‘p.