«Лестер»нинг ЧЛдаги иштирок учун қанча пул олгани маълум қилинди. Демак, мусобақа чорак финалчилари қаторига қўшилган Англия чемпиони бу борада инглиз клублари орасида энг яхши натижани қайд этди - 66 миллион фунт.

Таққослаш учун айтсак, турнирда қатнашган «Арсенал» 53 миллион, «Манчестер Сити» 41 миллион, «Тоттенхэм» эса 35 миллион фунт стерлинг олади.

Эътиборлиси, ЧЛ мукофот жамғармаси АПЛникидан анча кам. Мисол учун, 20-ўринни банд этиб турган ва лигадан тушиб кетиши аниқ бўлиб улгурган «Сандерленд»га жорий мавсумдаги иштироки учун 100 миллион фунт берилади. Табиийки, қолган жамоаларнинг улуши янада кўп.