Bugun Angliya Premyer-ligasining 37-tur bahslariga start beriladi.
Toshkent vaqti bilan soat 23:45da Everton - Uotford o‘yini boshlansa, soat 00:00da Vest Bromvich - Chelsi uchrashuvi bo‘lib o‘tadi.
Aynan mana shu o‘yinda Premyer-liganing bu mavsumdagi chepioni nomi ma’lum bo‘lishi mumkin. Agar Antonio Konte shogirdlari bugun raqib ustidan g‘alaba qozonadigan bo‘lsa, muddatidan avval chempionlikni rasmiylashtirishlari mumkin.
Sababi "Chelsi"da ayni paytda 84 ochko mavjud. 2-o‘rindagi "Tottenxem" esa 77 ochko jamg‘argan. Har ikki jamoani oldinda uchta o‘yin kutib turibdi (Ikkala jamoada ham 1tadan qoldirilgan o‘yin bor). "Chelsi" bugun istalgan hisobda g‘alaba qozonsa, qolgan ikkita o‘yindagi natijalardan qat’iy nazar "Angliya chempioni" degan nomga yana bir bor sazovor bo‘ladi.
"Vest Bromvich" - "Chelsi" jamoalari o‘rtasidagi o‘yinni bugun UZREPORT TV telekanali orqali soat 23:50dan boshlab jonli efirda tomosha qiling.