Oliy liga. “Navbahor” va “Qo‘qon-1912” o‘rtasidagi "Vodiy derbisi"da durang qayd etildi.

Oliy liganing 10-turidan o‘rin olgan "Neftchi" - "Obod" (1:0) bahsidan so‘ng, mezbonlar murabbiyi Andrey Fyodorov o‘z fikrlarini bildirib o‘tdi.

«Barchani g‘alaba bilan tabriklayman. Futbolchilarga rahmat deb qolaman. Bugun ular maydonda qattiq ter to‘kishdi. Havo juda issiq. Yigitlar hali bunday muhitda o‘ynashga tayyor emaslar. Birinchi bo‘limning o‘zida gol kiritish uchun bir qator xavfli vaziyatlarni yuzaga keltira oldik. Afsuski, ulardan foydala olmadik va so‘nggi nuqtani qo‘yadigan futbolchi topilmadi. Aslida mana shunday vaziyatlardan ko‘proq gol urib keyin o‘yinni xotirjam nazorat qilib borish darkor edi. Goldan so‘ng yigitlar asabiy ruhda o‘ynashdi. Chunki Farg‘onada g‘alaba qozonish mavsum boshidan beri bizga nasib qilmagan edi. Shu sababli g‘alabani saqlab qolish ilinjida futbolchilar biroz his-xayajonga berilishda deb o‘ylayman. Ha, albatta bu g‘alaba juda zarur edi va bu natija yigitlarni navbatdagi bahslar uchun yaxshigina ruhlantiradi. Hozir atrofdan jamoaga nisbatan bo‘layotgan bosimdan chiqib ketish uchun g‘alabalar juda zarur», - dedi Fyodorov.