Bugun oliy liga 10-turining eng qiziqarli bahslaridan biri Samarqand shahrida bo‘lib o‘tadi. Bunda yon qo‘shnilar, Samarqand va Qarshi shahrining jamoalari o‘zaro bellashadi. Uchrashuv “Dinamo” stadionida soat 17:30da boshlanadi.
O‘zPFL, 10-tur
“Dinamo” (Samarqand) – “Nasaf” (Qarshi)
13.05.2017. “Dinamo” stadioni. 17:30da
Bosh hakam: Ilgiz Tantashev (Buxoro)
Qanot hakamlari: Xusniddin Shodmonov, Abdurahmon Qo‘ldoshev (Buxorodan)
Zaxira hakami: Aleksandr Lupashko (Toshkent)
Nazoratchi: Farhod Abdullayev (Toshkent)
O‘zPFL vakili: Aleksey Frolov
“Ajdarlar” uchun bugungi uchrashuv oliy ligadagi 597-bo‘ladi. Shu paytgacha jamoamiz 335 uchrashuvda g‘alabaga erishgan. Ro‘ziqul Berdiyev bosh murabbiy sifatida o‘z shogirdlarini 131-uchrashuvda maydonga boshlab tushadi.
Berdiyev boshchiligida “Nasaf” hali biron marta “Dinamo”ga mag‘lub bo‘lmagan.
Mazkur klublar oliy ligada shu kungacha 36 bor kuch sinashishgan. Natijalar jamoamizning ustunligini ko‘rsatmoqda. Bo‘lib o‘tgan 19 uchrashuvda “Nasaf”, 7 o‘yinda esa “Dinamo” g‘alabaga erishgan. 10 uchrashuvda durang natijasi qayd etilgan.
To‘plar nisbati 34:51ga teng. Ustunlik “Nasaf” tarafida.
Ushbu jamoalar shu paytgacha Samarqandda 18 bor kuch sinashishgan. Uchrashuvlarning oltitasida jamoamiz g‘alaba qozongan. Besh uchrashuvda samarqandliklarning qo‘li baland kelgan. Qolgan yetti uchrashuvda kuchlar teng kelgan. Darvozalarga jami 39ta to‘p kiritilgan. To‘plar nisbatida ham kichik ustunlik “Nasaf” tomonida 19:20.
Samarqandda bo‘lib o‘tgan o‘zaro uchrashuvlarda so‘nggi bor, 2008 yili “Dinamo” 3:0 hisobida g‘alabaga erishgan. “Nasaf” so‘nggi bor, Samarqandda 2014 yili g‘alaba qozongan. Bu uchrashuvda “ajdarlar” raqiblari darvozasiga beshta javobsiz to‘p yo‘llashgan.
Barcha futbol ishqibozlarini “Dinamo” stadioniga chorlab qolamiz!
