Oliy liga 10-turidan o‘rin olgan “Navbahor” - “Qo‘qon-1912” (1:1) o‘yinining so‘nggi daqiqasida belgilangan penalti tufayli qo‘qonliklar mag‘lubiyatdan qutilib qolgandi.
Uchrashuvdan so‘ng mehmonlar tarkibida eng yaxshi o‘yinchi deb e’tirof etilgan Javohir Sidiqov o‘yin haqidagi fikrlarini bayon qildi.
"Uchrashuv haqiqiy derbiga xos shiddatli bo‘lib o‘tdi. Har ikki jamoa ham mag‘lub bo‘lishni istashmadi. Biz Namanganga uch ochko olish maqsadida kelgan edik, lekin uchrashuv durang natija bilan yakunlandi.
-Penaltiga keladigan bo‘lsak. Kovalenko juda tajribali hakam, bunga shak-shubha yo‘q. Hakam vaziyatga yaqin edi. Penalti bor edi, aks holda Kovalenko nuqtani ko‘rsatmagan bo‘lar edi. O‘yin yakunlandi. Tabloda hisob ko‘rinib turibdi. Professional futbolchi yoki murabbiy hakamdan ayb axtarmasligi kerak deb o‘ylayman" - dedi Sidiqov.
