Bugun Qashqadaryo viloyat chempionatiga start beriladi. Viloyatning to‘rt shahrida jamoalar dastlabki tur bahslariga kirishadi. Bu yilgi mavsumda jami 18 ta jamoalar ishtirok etmoqda.

Aytish joizki, bu yilgi mavsum qiziqarli kechishi kutilmoqda. Viloyatning Qarshi, Muborak, Chiroqchi, Kasbi shaharlari o‘zidan 2-3 jamoalari bilan ichki chempionatga munosib ishtirok etishini rejalashtirgan.

Quyida viloyat chempionatida ishtirok etadigan jamoalar ro‘yxati bilan tanishing.

“Mash’al-A”(Muborak)
“Qarliq”(Muborak)
“Nasaf-FM”(Qarshi)
“Olimpiya”(Qarshi)
“Qarshi” (Qarshi)
“Turon”(Qarshi Qurilish kolleji)
“Binokor”(Qarshi)
“Sho‘rtan-FM”(G‘uzor)
“Chiroqchi”(CHiroqchi)
“Ko‘kdala”(CHiroqchi)
“Ko‘kdala” (CHiroqchi Pedagogika kolleji)
“Navbahor”(Kasbi)
“Navhat”(Kasbi)
“Semurg‘”(YAkkabog‘)
“Hisor” (SHahrisabz)
“Kitob”(Kitob)
“Nishon”(Nishon)
“Zafar”(Qamashi)
Quyida chempionatning 1-turi uchrashuvlari anonsi bilan tanishing.

1-tur. 15 may 2017 yil (dushanba)
“Mash’al-A”(Muborak) – “Semurg‘”(YAkkabog‘)
“Hisor” (SHahrisabz) – “Kitob”(Kitob)
“Sho‘rtan-FM”(G‘uzor) – “Zafar”(Qamashi)
“Olimpiya”(Qarshi) – “Navhat”(Kasbi)

16 may 2017 yil (seshanba)
“Turon”(Qarshi Qurilish kollej) – “Nishon”(Nishon)
“Navbahor”(Kasbi) – “Binokor”(Qarshi)

18 may 2017 yil (payshanba)
“Qarshi” (Qarshi)- “Nasaf-FM”(Qarshi)

Qolgan jamoalar o‘rtasidagi o‘tkaziladigan dastlabki tur uchrashuvlari sanasi bugun ma’lum bo‘ladi .

Bitta muhim fakt, voha futbolida o‘z o‘rniga ega bo‘lgan, iqtidorlar makoni bo‘lmish, Koson shahridan ikki yildan buyon ichki chempionatda bironta jamoa qatnashayotgani yo‘q. Bir vaqtlar birinchi ligada munosib ishtirok etgan “Alanga” jamoasi butunlay tarqalib ketgan. Tan olish kerak, mamlakatmizning oliy ligasidan tortib turli chempionatlarida ishtirok etayotgan jamoalarda kosonlik iqtidorli futbolchilar istagancha topiladi.

Oliy ligamizda to‘p so‘rayotgan Anvar Berdiyev, Otabek Narzullayev, Abbos Omonov, Abbos Shodmonov, Umar Eshmurodov, Olim Karimov, Siroj Hamroyev, Bobir Abduholiqov, Hamza Karimov, Botir Qorayevlar aynan shu zamin farzandlaridir.

Bugungi kunda katta futbolni tark etib, nafaqat voha futboli rivojiga, balki mamlakatimiz futboli ravnaqiga o‘zlarining munosib hissalarini qo‘shayotgan mutaxasislar Nurali Sultonov, Nasim Shoyimov, Abdurahmon Yumangulov mana shu tumanning o‘g‘lonlari hisoblanishadi.

O‘ylaymizki, tuman rahbarlari, viloyat futbol federasiyasi mutasaddilari bu holatga o‘z e’tiborlarini qaratishadi va Koson futboli mavqiyeni tiklashadi. Ishonchimiz komilki, bu tumanda hali ham iqtidorlar yetarlicha topiladi.