Oliy liganing 11-turida «Navbahor» «Buxoro» mehmoni bo‘ladi.

Bu o‘yingacha vaqt oz qolganligi sababli, “Qo‘qon-1912” jamoasiga qarshi uchrashuvdan so‘ng, «Navbahor» a’zolariga odatdagidek qisqa muddatli ta’til berilmadi.

Ikki kun davomida Namanganda shug‘ullangan asosiy tarkib vakillari bugun ertalab Toshkentga yo‘l olishdi. Poytaxtda o‘tkaziladigan ikki kunlik mashg‘ulotlardan so‘ng, jamoa Buxoro sari yuzlanadi.

18 may sanasiga belgilangan “Buxoro” va “Navbahor” jamoalari o‘rtasidagi uchrashuv “Buxoro” sport majmuasida soat 18.30da boshlanadi. Har ikki jamoa yoshlari bir kun oldin “Umid” o‘yingohida kuch sinashishadi. Bu o‘yin soat 17.30da boshlanadi.