Олий лиганинг 11-турида «Навбаҳор» «Бухоро» меҳмони бўлади.
Бу ўйингача вақт оз қолганлиги сабабли, “Қўқон-1912” жамоасига қарши учрашувдан сўнг, «Навбаҳор» аъзоларига одатдагидек қисқа муддатли таътил берилмади.
Икки кун давомида Наманганда шуғулланган асосий таркиб вакиллари бугун эрталаб Тошкентга йўл олишди. Пойтахтда ўтказиладиган икки кунлик машғулотлардан сўнг, жамоа Бухоро сари юзланади.
18 май санасига белгиланган “Бухоро” ва “Навбаҳор” жамоалари ўртасидаги учрашув “Бухоро” спорт мажмуасида соат 18.30да бошланади. Ҳар икки жамоа ёшлари бир кун олдин “Умид” ўйингоҳида куч синашишади. Бу ўйин соат 17.30да бошланади.
