Oliy liga 11-turidan o‘rin olgan «Olmaliq» - «Metallurg» (1:1) o‘yinidan so‘ng, mezbonlar ustozi Viktor Kumikov o‘yin borasida o‘z fikrlarini bayon etdi.
«Mash’al»ga qarshi o‘tgan uchrashuvdagi futbolchilar harakatidan qoniqish hosil qilmagandim. Bugun natija yaxshi bo‘ldi. Birinchi taymda mehmonlar ko‘proq xavfli vaziyatlar sodir etishdi. Ikkinchi taymda hujumkorlikni oshirdik. Shogirdlarim o‘yinidan qisman qoniqdim.
Biz bugun ham ikki hujumchi bilan o‘ynadik. Murzoyev va Norbekov oldingi chiziqda harakatlanishdi. Biz faqat o‘z maydonimizda "Bunyodkor"ga qarshi bir hujumchi bilan uchrashuvni o‘tkazgandik. Qolgan bahslarda ikki hujumchi bilan o‘ynayapmiz» - dedi Kumikov.
