«Milan» yarimhimoyachisi Rikkardo Montolivo A seriya 37-turida «Bolonya» (3:0) ustidan qozonilgan g‘alabadan so‘ng o‘z fikrlarini aytdi.
«Biz yaxshi o‘yin o‘tkazdik. «Milan» juda kuchli boshladi. Ammo bizga gol yetishmadi. So‘ngra hisobni ochdik. G‘alabadan baxtiyormiz, bu oson o‘yin bo‘lmadi.
Mavsum uchun qo‘yilgan vazifani bajardik, bu juda muhim edi. Ammo «Milan» boshqa marralarni ko‘zlashi lozim, buni tushunishimiz kerak. Lekin, shuncha yildan so‘ng Yevropaga qaytish barchamiz uchun juda muhim edi» - dedi futbolchi.
Eslatib o‘tamiz, uch yillik tanaffusdan so‘ng «Milan» yana yevrokubokda ishtirok etib, Yevropa ligasi saralashida qatnashadi.
