«Barselona» klubi «Malaga» futbolchilarini Primera 38-turidan o‘rin olgan «Real»ga qarshi bahsda halol o‘ynamagan deb hisoblamoqda.

Xususan, Kataloniya klubining fikriga ko‘ra, hisob 0:1 bo‘lib turganida, «Malaga» himoyachisi Mikel Vilyanueva qanotdan oshirilgan to‘pni ataylab o‘tkazib yuborgan. 34-daqiqada yuz bergan bu vaziyatda Ronaldu to‘pni egallab olib, zarba yo‘llagan, ammo gol urolmagandi.

Ayni paytda «Barselona» vakillari o‘yindagi holatlarni o‘rganib chiqib, Ispaniya futbol federasiyasiga rasmiy shikoyat tayyorlamoqda.

Eslatib o‘tamiz, «Real» bu o‘yinda 2:0 hisobida g‘alaba qozonib, Ispaniya chempioni bo‘lgan edi.