Bugun “Nasaf” G‘uzorda Toshkentning “Paxtakor” jamoasi bilan bahs yuritadi.
O‘zbekiston Kubogi-2017 nimchorakfinalining javob uchrashuvi “G‘uzor” markaziy stadionida bo‘lib o‘tadi. Uchrashuv soat 18:30da boshlanadi.
Dactlabki uchrashuvda ishonchli g‘alabani qo‘lga kiritgan “ajdarlar” bugun chorakfianl yo‘llanmasini naqd qilishlari mumkin. Ammo “sherlar” ham Qarshiga shunchaki tashrif buyurishmaganlarini isbot qilishga urinishlari turgan gap. O‘z tarixida 11 marta O‘zbekiston Kubogi sohiblari – “Paxtakor”, hali taslim bo‘lgani yo‘q.
Mazkur jamoalar bungacha 2013 yili kubok bahslarining yarim finalida tuqnash kelishgan. Toshkentda bo‘lib o‘tgan dastlabki uchrashuvda 0:0, Qarshida bo‘lib o‘tgan javob o‘yinida jamoamiz 2:0 hisobida g‘alabaga erishib, finalga yo‘llanma olgan.
Bir so‘z bilan atyganda, bu jamoalar o‘rtasidagi har qanday uchrashuv keskin va murosasiz bo‘lib o‘tgan. Futbol ishqibozlari bugun ham ana shunday uchrashuvga guvoh bo‘lishlari turgan gap.
Bugungi uchrashuvni Zokir Qodirov boshchiligidagi navoiylik hakamlar boshqarib borishadi. Hakamlar ishini Rashid Aytekov nazorat qiladi, Toshkent shahridan.
O‘zbekiston Kubogi-2017. 1/8 finali javob uchrashuvi
“Nasaf” (Qarshi) – “Paxtakor” (Toshkent)
30.05.2017. “G‘uzor” markaziy stadioni. 18:30da
Bosh hakam: Zokir Qodirov (Navoiy)
Qanot hakamlari: Obid Jumayev, Ruslan Samandarov (barchasi -Navoiydan)
Zaxira hakami: Komiljon Rasulov (Qashqadaryo vil.)
Nazoratchi: Rashid Aytekov (Toshkent).
Dastlabki uchrashuv: “Paxtakor” – “Nasaf” 0:3
