Бугун “Насаф” Ғузорда Тошкентнинг “Пахтакор” жамоаси билан баҳс юритади.
Ўзбекистон Кубоги-2017 нимчоракфиналининг жавоб учрашуви “Ғузор” марказий стадионида бўлиб ўтади. Учрашув соат 18:30да бошланади.
Даcтлабки учрашувда ишончли ғалабани қўлга киритган “аждарлар” бугун чоракфианл йўлланмасини нақд қилишлари мумкин. Аммо “шерлар” ҳам Қаршига шунчаки ташриф буюришмаганларини исбот қилишга уринишлари турган гап. Ўз тарихида 11 марта Ўзбекистон Кубоги соҳиблари – “Пахтакор”, ҳали таслим бўлгани йўқ.
Мазкур жамоалар бунгача 2013 йили кубок баҳсларининг ярим финалида туқнаш келишган. Тошкентда бўлиб ўтган дастлабки учрашувда 0:0, Қаршида бўлиб ўтган жавоб ўйинида жамоамиз 2:0 ҳисобида ғалабага эришиб, финалга йўлланма олган.
Бир сўз билан атйганда, бу жамоалар ўртасидаги ҳар қандай учрашув кескин ва муросасиз бўлиб ўтган. Футбол ишқибозлари бугун ҳам ана шундай учрашувга гувоҳ бўлишлари турган гап.
Бугунги учрашувни Зокир Қодиров бошчилигидаги навоийлик ҳакамлар бошқариб боришади. Ҳакамлар ишини Рашид Айтеков назорат қилади, Тошкент шаҳридан.
Ўзбекистон Кубоги-2017. 1/8 финали жавоб учрашуви
“Насаф” (Қарши) – “Пахтакор” (Тошкент)
30.05.2017. “Ғузор” марказий стадиони. 18:30да
Бош ҳакам: Зокир Қодиров (Навоий)
Қанот ҳакамлари: Обид Жумаев, Руслан Самандаров (барчаси -Навоийдан)
Захира ҳаками: Комилжон Расулов (Қашқадарё вил.)
Назоратчи: Рашид Айтеков (Тошкент).
Дастлабки учрашув: “Пахтакор” – “Насаф” 0:3
