«Arsenal» himoyachisi Per Mertezaker professional futboldagi faoliyatini yakunlashga qaror qildi.
Goal xabariga ko‘ra, futbolchi jismonan va ruhan toliqqan, shuning uchun ham futbolchilik faoliyatiga nuqta qo‘yishga qaror qilgan.
Ayni damda Mertezaker 32 yoshda bo‘lib, joriy mavsumda jarohati tufayli birorta o‘yinda maydonga tushmadi. U faqat Angliya kubogi finalidan o‘rin olgan “Chelsi”ga qarshi o‘yinda maydonga qaytgan edi.
Mertezaker “Arsenal”da 2011 yildan buyon to‘p surmoqda. Avvalroq, u «Verder» va «Hannover» klublarida ham o‘ynagan. Germaniya terma jamoasi uchun himoyachi 104 ta o‘yin o‘tkazgan va 2014 yilda jahon chempioni bo‘lgan. Per yaqin kunlarda “Arsenal”ning boshqaruv tizimida ish boshlashi kutilmoqda.
