«Арсенал» ҳимоячиси Пер Мертезакер профессионал футболдаги фаолиятини якунлашга қарор қилди.
Goal хабарига кўра, футболчи жисмонан ва руҳан толиққан, шунинг учун ҳам футболчилик фаолиятига нуқта қўйишга қарор қилган.
Айни дамда Мертезакер 32 ёшда бўлиб, жорий мавсумда жароҳати туфайли бирорта ўйинда майдонга тушмади. У фақат Англия кубоги финалидан ўрин олган “Челси”га қарши ўйинда майдонга қайтган эди.
Мертезакер “Арсенал”да 2011 йилдан буён тўп сурмоқда. Аввалроқ, у «Вердер» ва «Ҳанновер» клубларида ҳам ўйнаган. Германия терма жамоаси учун ҳимоячи 104 та ўйин ўтказган ва 2014 йилда жаҳон чемпиони бўлган. Пер яқин кунларда “Арсенал”нинг бошқарув тизимида иш бошлаши кутилмоқда.
