Oliy Liga musobaqa jadvalida yetakchilik qilayotgan “Lokomotiv” jamoasi futbolchilari bugun poytaxtimizda joylashgan Respublika sport tibbiyoti ilmiy-amaliy markazida tibbiy ko‘rikdan o‘tishdi.
Kunning birinchi yarmida o‘tkazilgan barcha tekshiruvlar chuqurlashtirilgan tartibda o‘tkazildi. Unda terma jamoa ixtiyorida bo‘lgan futbolchilarimizdan tashqari qolgan barcha ishtirok etdi. Tibbiy tekshiruv jarayoni ko‘ngildagidek o‘tdi.
Ertalabdan tibbiy ko‘rikdan o‘tilgani bois kunning birinchi qismida mashg‘ulot o‘tkazilmadi. Bugun tushdan so‘ng jamoa yana mashg‘ulotlarni davom ettiradi.
