«Milan» klubi «Torino» hujumchisi Andrea Belottini qo‘lga kiritish fikridan qaytmayapti.
Football Italia xabariga ko‘ra, «rossoneri» futbolchi uchun 80 mln yevro taklif qilmoqda. Biroq jamoa bu pulni hozir birdan to‘lay olmaydi. Shuning uchun turinliklarga uning ijarasi uchun yiliga 20 million yevro bermoqchi. Bir yildan keyin esa Belotti 60 million yevro evaziga «Milan» futbolchisiga aylanadi.
Oldinroq, «Torino» «Milan»ning 70 million yevrolik taklifini rad etgandi. Milanliklar agar Belottini qo‘lga kirita olmasa, Nikol Kalinich transferi borasida ishlarni boshlaydi.
