"Real" bosh murabbiyi Zinedin Zidan va jamoa sardori Serxio Ramos hujumchi Krishtianu Ronaldudan jamoani tark tmaslikka ko‘ndirishga urindilar.

Futbolchi jamoani tark etishini ma’lum qilgan zahoti Zidan unga qo‘ng‘iroq qilgan. Fransiyalik mutaxassis Ronalduga bu jamoa hali ko‘p sovrinlarni yutishi mumkinligi va bunda uning gollari va g‘oliblik mentaliteti kerakligini aytgan.

Xabar qilinishicha, Zidanning fikri Ronaldu uchun katta ahamiyatga ega Murabbiy futbolchini Madridda qoldirish harakatini davom ettirmoqchi va ta’tildan so‘ng u bilan shaxsan gaplashib olmoqchi.

Ronaldu Ispaniya soliq mahkamasi bilan yuzaga kelgan muammolardan so‘ng "Real"ni tark etish fikrini bildirgan.