Italiya yoshlar terma jamoasi muxlislari Yevro-2017 (U-21) musobqasida Daniya yoshlari bilan uchrashuda "Milan" posboni Janluiji Donnarummaga qarshi aksiya o‘tkazdilar.
Muxlislar 18 yoshli darvozabonga qalbaki dollar sochdilar. Maydondan yot narsalarni yig‘ishtirilishi uchun uchrashuv hakami bir necha daqiqa o‘yinni to‘xtatib turishiga to‘g‘ri keldi.
Bundan tashqari muxlislar birinchi bo‘lim davomida Donnarummani haqorat qildilar, uning darvozasi ortida "Dollarumma" deb yozilgan banner osildi.
Eslatib o‘tamiz, klub ramzini bir nesa marta o‘pgan "Milan" tarbiyalanuvchisi ushbu haftada klub bilan shrtonmasini uzaytirishni istamadi. Klub unga besh yilda 25 mln yevro taklif qilgan edi. "Milan" Donnarummani bu yozda qo‘yib yubormoqchi emas. Darvozabon yangi mavsumni o‘tkazgach, ketishi kutilmoqda.
