Италия ёшлар терма жамоаси мухлислари Евро-2017 (U-21) мусобқасида Дания ёшлари билан учрашуда "Милан" посбони Жанлуижи Доннаруммага қарши акция ўтказдилар.

Мухлислар 18 ёшли дарвозабонга қалбаки доллар сочдилар. Майдондан ёт нарсаларни йиғиштирилиши учун учрашув ҳаками бир неча дақиқа ўйинни тўхтатиб туришига тўғри келди.

Бундан ташқари мухлислар биринчи бўлим давомида Доннаруммани ҳақорат қилдилар, унинг дарвозаси ортида "Долларумма" деб ёзилган баннер осилди.

Эслатиб ўтамиз, клуб рамзини бир неса марта ўпган "Милан" тарбияланувчиси ушбу ҳафтада клуб билан шртонмасини узайтиришни истамади. Клуб унга беш йилда 25 млн евро таклиф қилган эди. "Милан" Доннаруммани бу ёзда қўйиб юбормоқчи эмас. Дарвозабон янги мавсумни ўтказгач, кетиши кутилмоқда.