Kamerun terma jamoasi bosh murabbiyi Ugo Broos KK-2017 musobaqasida Chili termasidan uchralgan mag‘lubiyatga (0:2) sharh berdi.

Uchrashuvda bosh hakam ikki marta videotakrorga murojaat qildi - birinchisida chililiklarning goli bekor qilindi, ikkinchisida ularning goli hisoblandi.

"O‘yin boshida chililiklardan biroz hayiqdik, deb o‘ylayman. Juda kuchli jamoaga qarshi o‘ynashimizni bilar edik. 20-daqiqagacha uchta gol o‘tkazishimiz mumkin di, omadimiz keldi. Hisobga qaramay, ikkinchi bo‘lim yaxshi o‘tdi. Chililiklar birinchi imkoniyatlaridanoq foydalandilar. Natijadan afsusdamiz, ammo o‘yindan qoniqdik.

Bugun ikki marta videotakrordan foydalanildi. Bu muhim narsa bo‘lsa kerak. Birinchisida yaqqol ofsayd bor edi. Bu fakt, shuning uchun gol hisoblanmadi. Ammo o‘yin davomida bundan bir necha marta foydalanilsa, bundan yaxshilik chiqmaydi.

Vargasning birinchi golida nimani his qildim? Afsuslandim, ammo hakam videotakrorga murojaat qilganini ko‘rib, ofsaydga umid qildim. Bu golni hisoblashmagani - omadimiz bo‘ldi", - deydi Broos.