Portugaliyalik himoyachi, ayni vaqtda «PSJ»ga o‘tish bo‘yicha muzokara o‘tkazayotgan Pepe vatandoshi, «Real»dagi sobiq jamoadoshi Krishtianu Ronalduga o‘zi bilan birga jamoadan ketishni taklif qilgan. Bu haqda Marca xabar tarqatdi.

«Kel, „PSJ“ga birga ketamiz», — degan Pepe Ronalduga.

«PSJ» Pepega bir yillik shartnoma taklif etmoqda. Futbolchining o‘zi esa kamida ikki yillik shartnoma tuzishga umid qilmoqda. Unga «Qirollik klubi» ham bir yillik shartnoma taklif qilgandi, ammo bu taklif rad etilgandi.

Eslatib o‘tamiz, Madridni tark etishni istayotgan Ronalduga ayni vaqtda «Manchester Yunayted», «PSJ», «Monako», «Manchester Siti», «Chelsi», «Bavariya» va Xitoy klublaridan qiziqishlar mavjud.