Португалиялик ҳимоячи, айни вақтда «ПСЖ»га ўтиш бўйича музокара ўтказаётган Пепе ватандоши, «Реал»даги собиқ жамоадоши Криштиану Роналдуга ўзи билан бирга жамоадан кетишни таклиф қилган. Бу ҳақда Marca хабар тарқатди.

«Кел, „ПСЖ“га бирга кетамиз», — деган Пепе Роналдуга.

«ПСЖ» Пепега бир йиллик шартнома таклиф этмоқда. Футболчининг ўзи эса камида икки йиллик шартнома тузишга умид қилмоқда. Унга «Қироллик клуби» ҳам бир йиллик шартнома таклиф қилганди, аммо бу таклиф рад этилганди.

Эслатиб ўтамиз, Мадридни тарк этишни истаётган Роналдуга айни вақтда «Манчестер Юнайтед», «ПСЖ», «Монако», «Манчестер Сити», «Челси», «Бавария» ва Хитой клубларидан қизиқишлар мавжуд.