Мадриднинг «Реал» клуби собиқ футболчиси Пепе жамоага қайтишга тайёргарлик кўрмоқда. Вазият Флорентино Переснинг «қаймоқранглилар» президенти лавозимида қолиши ва Жозе Моуриньюни бош мураббийликка тайинлаши сари кетмоқда.
Журналист Рамон Альварес де Моннинг хабар беришича, мадридликлар сафида 2007 йилдан 2017 йилгача тўп сурган машҳур собиқ ҳимоячи Пепе «The Special One»нинг ассистентларидан (ёрдамчиларидан) бирига айланади.
Пепе футболчилик фаолиятини бундан бор-йўғи икки йил аввал якунлаган эди ва унинг сўнгги клуби «Порту» бўлганди. Шу йилнинг февраль ойида португалиялик собиқ ҳимоячи 43 ёшни қарши олди. Эслатиб ўтамиз, Жозе Моуринью аввал ҳам 2010 йилдан 2013 йилгача «Реал»ни бошқарган. Яқин вақт ичида у «Бенфика»ни расман тарк этади ва Мадридга қайтади.
