«Real» futbolchilari jamoadoshi Pyepening harakatlaridan norozi.
«Galaktikos» a’zolarining fikriga ko‘ra, aynan Pepe Ronalduni jamoani tark etishga chaqirgan va PSJga chorlagan. Onda Cero xabariga ko‘ra, futbolchi Ronalduga «Real» uni yetarli darajada himoya qilmayotganini uqtirib, olovga moy sepgan. Chunki Pepening o‘zi ham «Real»ning harakatlaridan, xususan, unga shartnoma taklif qilmaganidan norozi bo‘lgan.
Eslatib o‘tamiz, Ispaniya prokuraturasi Ronalduni 14.7 mln yevro miqdoridagi soliqlarni to‘lashdan bosh tortgani haqida ayblagan edi. Ayni paytda futbolchi «Real»ni tark etish niyatida.
